ԱԱԾ նախկին ղեկավարը Արգիշտի Քյարամյանը հերքել է այն տեղեկությունները, թե Շուշիի անկման ժամանակ ինքն իբր ինկասացիոն մեքենաներով քաղաքից դուրս է բերել գումար և ոսկի: Քյարամյանի խոսքով՝ Շուշին միայնակ չի լքել, այլ մոտ 10 հոգանոց խմբի կազմում, որոնց թվում եղել է նաև ՀՀ պաշտպանության նախկին նախարար Սեյրան Օհանյանը:
«Դուրս ենք եկել ոչ թե ինկասացիայի ավտոմեքենայով, այլ՝ «Նիսան» ավտոմեքենայով, փողի ու ոսկու փոխարեն բեռնատարում եղել են քարտեր ու ռազմամթերք», — ասել է նա։
Արգիշտի Քյարամյանը պատմել է նաև Շուշիի համար մարտերին հատուկ ծառայության մեկ այլ նախկին ղեկավար Արթուր Վանեցյանի գլխավորությամբ ջոկատի մասնակցության մասին: Քյարամյանը տեղեկացրել է, որ Վանեցյանի ջոկատը ժամանել է Շուշի և քաղաքում տեղակայվել է Ադրբեջանի զինված ուժերի կողմից քաղաքի վրա հարձակման օրը: ԱԱԾ նախկին պետի խոսքով ՝ ավելի ուշ նա իմացել է, որ Վանեցյանը Ստեփանակերտում է, իսկ ջոկատի մշտական տեղակայման գտնվելու վայրում ոչ ոք չկա։
