Դեկտեմբերի 15-ին՝ ժամը 14:00-ի սահմաններում, ՊԲ N զորամասի պահպանության տեղամասի մարտական դիրքում հայտնաբերված պարտադիր ժամկետային զինծառայող, շարքային Վահե Հովհաննեսի Բաբայանի մահվան կապակցությամբ երրորդ կայազորային քննչական բաժնում հարուցվել է քրեական գործ։
«Դեպքի առթիվ երրորդ կայազորային քննչական բաժնում հարուցվել է քրեական գործ՝ ՀՀ քրեական օրենսգրքի 360.1-րդ հոդվածի (զինծառայողին անզգուշությամբ ինքնասպանության հասցնելը) 3-րդ մասով նախատեսված հանցագործության հատկանիշներով:
Կատարվում է նախաքննություն»,-այս մասին հաղորդում է ՀՀ քննչական կոմիտեն։
