Հայկական շախմատի առաջատար Լևոն Արոնյանը դուրս եկավ Airthings Masters-ի եզրափակիչ: Արագ շախմատի առցանց այս մրցաշարում Արոնյանը կիսաեզրափակչում մրցեց Ֆրանսիայից Մաքսիմ Վաշիե-Լագրավի հետ: Խաղարկված պարտիաներում Արոնյանն առավելության հասավ մրցակցի նկատմամբ և իրավունք ստացավ մասնակցելու եզրափակչին:
Հունվարի 2-ին և 3-ին կկայանա Airthings Masters մրցաշարի եզրափակիչը, որում միմյանց դեմ կմրցեն Հայաստանի և Ադրբեջանի առաջատար շախմատիստները՝ աշխարհի գավաթի կրկնակի հաղթող Լևոն Արոնյանը և աշխարհի գավաթի գործող հաղթող Թեյմուր Ռաջաբովը: Airthings Masters-ը մեկնարկել է դեկտեմբերի 24-ին: Մրցաշարի մրցանակային ֆոնդը կազմում է 200 հազար դոլար: Առաջին մրցանակակիրը կստանա 60.000 դոլար:
Հիշեցնենք, որ բացի Արոնյանից Airthings Masters-ին մասնակցում են նաև Հիկարու Նակամուրան, Մաքսիմ Վաշիե-Լագրավը, Դանիլ Դուբրովը, Թեյմուր Ռաջաբովը, Ուեսլի Սոն, Անտոն Գուիջան Մագնուս Կարլսենը, Անիշ Գիրին, Իան Նեպոմնյաշկին, Ալեքսանդր Գրիշչուկը և Պենտալա Հարիկրիշնան:
