Գործող վարչախումբը ստորագրելով կապիտուլյացիոն խայտառակ փաստաթուղթը, զրկեց մեզ մեր հայրենիքի համար մղվով հայրենական պատերազմը ևս մեկ անգամ հաղթանակով ամրագրելու հնարավորությունից: Այս մասին հայտարարություն է տարածել Քասաղ համայնքի ղեկավար Արա Մկրտչյանը։
«Հայաստանը չի ունեցել և չպետք է ունենա պարտված ղեկավար: Հայ ժողովուրդը երբեք թուրքի առաջ ծնկի չի գալու: Մեր պետության հիմնասյուները հետևողականորեն քայքայած ու կազմաքանդած անձինք չեն կարող լինել ՀՀ-ում իշխանություն:
Հարգելի՛ հայրենակիցներ, Քասախ համայնքի հարյուրավոր բնակիչների հետ միանում եմ Նիկոլ Փաշինյանի հրաժարականը պահանջող մեր հազարավոր հայրենակիցներին: Կոչ եմ անում միանալ հայրենիքի փրկության շարժմանը: Մեր երկրին անհրաժեշտ են հմուտ, հայրենասեր ու արժանապատիվ կառավարիչներ:
Աստված պահապան մեր երկրին»,-նշված է հայտարարության մեջ։
Նշենք, որ այսօր ավելի վաղ Ավշարի համայնքապետարանը ևս պահանջել է Նիկոլ Փաշինյանի հրաժարականը՝ կոչ անելով մյուս համայնքներին ևս միանալ վարչապետի հրաժարականի պահանջով հայտարարությանը։
