Թուրքիայի կողմից Սիրիայից տեղափոխված զինյալներն արդեն մասնակցում են Լեռնային Ղարաբաղում ռազմական գործողություններին. «ՌԻԱ Նովոստի»-ին տված հարցազրույցում ասել է Ռուսաստանում ՀՀ դեսպան Վարդան Տողանյանը:
«Մեր տեղեկություններով` վերջին շրջանում Թուրքիան Սիրիայից շուրջ 4000 զինյալ է տեղափոխել Ադրբեջան: Նրանք արդեն մասնակցում են այն կողմում… Նրանց նախապատրաստում են զինյալների ճամբարում և տեղափոխում են այնտեղ»,- ասել է դեսպանը` պատասխանելով հարցին` արդյոք Սիրիայից ժամանած զինյալները մասնակցում են Լեռնային Ղարաբաղում ռազմական գործողություններին: Նրա խոսքով` այդ խմբերի էթնիկ կազմը դժվար է որոշել: