Ուրախ եմ, որ պետքարտուղար Պոմպեոն վերահաստատեց մեր ընդհանուր տեսլականը, որ ադրբեջանաղարաբաղյան հակամարտության կարգավորումը հնարավոր է բացառապես խաղաղ բանակցությունների ճանապարհով։ Այս մասին իր Facebook-յան իր էջում գրել է Արցախի արտգործնախարար Մասիս Մայիլյանը։
«Կարևոր է համոզվել, որ Թուրքիան կդադարի դրդել Ադրբեջանին և միջազգային ահաբեկիչներին շարունակել անմարդկային ագրեսիան՝ ընդդեմ ժողովրդավարության։
Մենք կիսում ենք պետքարտուղար Պոմպեոյի հույսը, որ հայերն ի վիճակի կլինեն պաշտպանել իրենց Ադրբեջանի գործողություններից։ Միաժամանակ, ակնկալում ենք, որ միջազգային հանրությունն ակտիվ կառուցողական դերակատարում կունենա Թուրքիայի, Ադրբեջանի և միջազգային ահաբեկիչների եռամիասնության՝ մարդկության դեմ ուղղված հանցանքներն ու ցեղասպանական սպառնալիքները դադարեցնելու հարցում։ Արցախի Հանրապետության անկախության ճանաչումն անհրաժեշտ է տարածաշրջանում կայուն խաղաղություն հաստատելու համար»,– գրել է Մայլիյանը։
I am glad Secretary Pompeo reiterated our shared vision that the resolution of Azerbaijan-Karabakh conflict is possible…
Опубликовано Masis Mayilian / Մասիս Մայիլյան Четверг, 15 октября 2020 г.