Մարտի 1-ի կազմակերպիչներից մեկը Նիկոլ Փաշինյանն է։ Այս մասին «Փաստինֆո»-ի եթերում ասել է «Մարտի 1»-ի գործով քննչական խմբի նախկին ղեկավար Վահագն Հարությունյանը։
Պատասխանելով հարցին, թե ինչո՞ւ մինչև հիմա «Մարտի 1»-ի 10 սպանվածների հետ կապված գործերը բացահայտված չեն, Հարությունյանը նշել է, որ մահացածները դեպքի վայրում չեն եղել, նրանք եղել են կա՛մ հիվանդանոցներում, կա՛մ դիահերձարաններում, իսկ սպանությունների բացահայտման ամենակարևոր գործոնը դեպքի վայրի պատշաճ զննությունն է. «Մենք որպես այդպիսին դեպքի վայր չենք տեսել»,-նշել է նա։
Անդրադառնալով մեղադրանքներին, ըստ որոնց «Մարտի 1»-ին կրակված պարկուճներն իր հանձնարարությամբ փոխվել են, Հարությունյանը նշել է, որ դրա վերաբերյալ ապացուցողական որևէ բազա չկա։ «Թող ՀՔԾ-ն հղում անի և հաստատի, թե քանի տեսակ ապացույցների հիման վրա է նման եզրահանգում անում»,-նշել է նա։
Պատասխանելով հարցին, թե ինչո՞ւ մինչև հիմա «Մարտի 1»-ի 10 սպանվածների հետ կապված գործերը բացահայտված չեն, Հարությունյանը նշել է, որ մահացածները դեպքի վայրում չեն եղել, նրանք եղել են կա՛մ հիվանդանոցներում , կա՛մ դիահերձարաններում, իսկ սպանությունների բացահայտման ամենակարևոր գործոնը դեպքի վայրի պատշաճ զննությունն է. «Մենք որպես այդպիսին դեպքի վայր չենք տեսել»,-նշել է նա։
Անդրադառնալով մեղադրանքներին, ըստ որոնց «Մարտի 1»-ին կրակված պարկուճներն իր հանձնարարությամբ փոխվել են, Հարությունյանը նշել է, որ դրա վերաբերյալ ապացուցողական որևէ բազա չկա։ «Թող ՀՔԾ-ն հղում անի և հաստատի, թե քանի տեսակ ապացույցների հիման վրա է նման եզրահանգում անում»,-նշել է նա։
Հիշեցնենք, որ ՀՀ վարչապետ Նիկոլ Փաշինյանը մայիսի 16-ի մամուլի ասուլիսի ընթացքում հայտարարել էր, որ պարզվել է Մարտի 1-ի կազմակերպիչների շրջանակը ու ավելացրել, որ գուցե քննչական խմբի նախկին ղեկավարը «գիտի սպանության հեղինակների անուն, ազգանունները»։ Անդրադառնալով այս հայտարարությանը՝ Հարությունյանն ասաց. «Իհարկե պարզ է, որովհետև կազմակերպիչներից մեկն ինքն է և դրա համար դատապարտվել է, ճանաչվել է մեղավոր և դատապարտվել։ Իհարկե, պարզ է։ Ինքս եմ ստորագրել մեղադրանքի որոշումը և մեղադրական եզրակացությունը»։
Հարությունյանի խոսքով՝ կան բազմաթիվ տեսաձայնագրություններ այդ օրվա իրադարձությունների վերաբերյալ։
«Հենց նույն Փաշինյան Նիկոլի ելույթների տեսագրությունները, այլոց տեսագրությունները, հեռախոսային խոսակցությունները։ Ես ասում եմ ակնհայտ բաների մասին, որոնք վիճարկման ենթակա չեն, որովհետև կա ակնհայտ տեսագրություն։ Ուզում է՝ ես լինեմ, ուզում է Սասունը լինի Խաչատրյան կամ այլ գերբնական իրավական ունակություններով օժտված քննիչ, այդ տեսագրությանը, ելույթին, պետք է տրվի գնահատական և համոզված եմ՝ դրանց տրվել է ճիշտ, օբյեկտիվ գնահատական»,- ասել է նա։
Նրա խոսքով՝ նախաքննության նպատակն այդ ամենը խեղաթյուրելն է և չգիտես ինչի հիման վրա զանգվածային անկարգություններ կատարողները վերածվեցին ցուցարարների։
«Ինչպես կարելի է Կարմիր խաչի նշանով ավտոմեքենան այրող հրոսակին, ամբոխին համեմատել ցուցարարի հետ»,- նշել է Հարությունյանը։