Այսօր՝ հունվարի 1-ին, նշվում է Խաղաղության համաշխարհային աղոթքի օրը կամ Խաղաղության համաշխարհային օրը (World Day of Peace)։
Ի սկզբանե այս տոնը վերաբերում էր միայն ռոմանո- կաթոլիկ եկեղեցուն։ Այն ամեն տարի նշվում էր հունվարի 1-ին՝ Մարիամ Աստվածածնի Հաղթանակի օրը։ Խաղաղության համաշխարհային օրը Հռոմի պապ Պողոս VI-ը հռչակել է 1967 թվականի դեկտեմբերի 8-ին։ Կաթոլիկներն այս տոնը անվանում են Խաղաղության համաշխարհային աղոթքի օր։ 1969թ. դեկտեմբերի 17-ին ՄԱԿ-ի Գլխավոր ասամբլեան Խաղաղության համաշխարհային օրը հռչակեց պաշտոնական տոն։ Այդ օրը հավատացյալները Աստծուն կոչ են անում դադարեցնել բոլոր պատերազմները երկրի վրա և խաղաղություն ուղարկել մարդկանց։
Աշխարհի համաշխարհային օրվա կարգախոսն է՝ «Ներիր և դու խաղաղություն կունենաս»։
Քահանայապետերի հավատացյալներին ուղղված ամենամյա նախատոնական ուղերձներում շոշափվում են այնպիսի թեմաներ, ինչպիսիք են երկրի վրա խաղաղության պահպանումը, բռնության եւ աղքատության դեմ պայքարը, տնտեսական զարգացումը, միջպետական եւ միջազգային հարաբերություններում լարվածության թուլացումը, մարդու իրավունքները եւ այլն: Ներկայում Խաղաղության համաշխարհային օրվան նվիրված թեմատիկ տոնակատարություններին միանում են բոլոր կրոնական առաջնորդներն ու հավատացյալները: Աղոթքն այդ օրը միավորում է բոլորին՝ անկախ կարգավիճակից և կրոնական պատկանելությունից։ Այդ օրը կազմակերպվում են դրամահավաքներ հակամարտություններից տուժածներին օգնելու համար, տեղի են ունենում այլ հասարակական ակցիաներ ևս։ Այդ օրն ընդունված է նաև հիշել ու մեծարել այն ակտիվիստներին, որոնք մեծ դերակատարում են ունեցել խաղաղապահ առաքելությունները հաջողելու գործում։ Վատիկանում Խաղաղության համաշխարհային օրը հայտարարվել է ոչ աշխատանքային։
Սեպտեմբերի 27-ից՝ Արցախյան երկրորդ պատերազմի առաջին իսկ օրվանից, աշխարհասփյուռ հայերն աղոթում են Արցախի խաղաղության, զոհված որդիների, եղբայրների և հայրերի հոգիների հանգստության ու թուրք-ադրբեջանական ագրեսիայի հետևանքով վիրավորների շուտափույթ ապաքինման համար:
