Քաղաքաշինության կոմիտեի նախագահի պարտականությունները կատարող Արմեն Ղուլարյանն այս առումով որոշ մանրամասներ է հայտնել.
«Ուսումնասիրեցինք ճանապարհների խնդիրը՝ հասկանալու, թե ինչպես պետք է կառուցվեն նոր ճանապարհները: Նպատակն այն է, որ ամրացնենք գյուղը: Տեղում կաշխատեն գեոդեզիստները՝ նոր թաղամասի համար ամենահարմար ու անվտանգ տարածքն ընտրելու համար: Զուգահեռ աշխատում են Կառավարության որոշման վրա, հստակեցնում բյուջեն. օր առաջ որոշում պետք է կայացնենք»:
Հիշեցնենք, որ նոյեմբերի 9-ին Ռուսաստանի, Հայաստանի և Ադրբեջանի ղեկավարները Լեռնային Ղարաբաղում ռուս խաղաղապահների տեղակայման շուրջ պայմանավորվածություն են ձեռք բերել, ստորագրվել է հայտարարություն, որով Ադրբեջանին են անցնում Արցախի յոթ շրջանները, Շուշին ու Հադրութը, գյուղեր Ասկերանի ու Մարտունու, Մարտակերտի շրջաններից։ Հանձնման վտանգի տակ են նաև Սյունիքի որոշ համայնքներ: Նման վտանգի, ինչպես նաև խաթարված անվտանգության մասին էին բարձրաձայնել նաև Շուռնուխի համայնքապետն ու բնակիչները:
