Արցախում հաշվառում ունեցող անձանց տրամադրվող աջակցության միջոցառման շահառուների 95 տոկոսը՝ մոտ 87,000 հոգի արդեն ստացել է աջակցություն, ընդ որում ավելի քան 47,000 հոգի աջակցությունը ստացել է Արցախփոստի բաժանմունքներից։
Այս մասին հայտնում է Արցախի աշխատանքի և սոցիալական հարցերի նախարար Մանե Թանդիլյանը։
«Այս միջոցառման շահառու չեն աշխատանք ունեցողները, այդ թվում պետական, և 18-55 տարեկան տղամարդիկ։
Սա վկայում է այն մասին, որ Արցախի այն քաղաքացիները, ովքեր Արցախում ունեն մշտական կացարաններ, գրեթե ամբողջությամբ գտնվում են Արցախում»,-ընդգծել է նա։
Հիշեցնենք, որ Արցախում իրականացվում են հանրապետության բնակիչներին սոցիալական աջակցություն ցուցաբերելու մի շարք միջոցառումներ: