2021 թվականի առաջին կիսամյակում Ռուսաստանից Հայաստան ավիատոմսերն ամենամեծ պահանջարկն ունեն ռուս ճանապարհորդների շրջանում, ասվում է Туту.ру ճանապարհորդությունների ծառայության հետազոտության մեջ: Ինչպես տեղեկացնում է ТАСС գործակալությունը, Մոսկվայից Երեւան ավիատոմսի միջին արժեքը կազմում է ավելի քան 13 հազար ռուբլի (մոտ 100 հազար դրամ), մեկ տարվա ընթացքում այդ երթուղով ավիատոմսերի միջին կտրոնն աճել է ավելի քան երկու անգամ: Առավել մեծ ժողովրդականություն վայելող երկրների տասնյակում են նաեւ Ղրղզստանը, Մոլդովան, Բելառուսը, Արաբական Միացյալ Էմիրությունները, Եգիպտոսը եւ Ուկրաինան: