Հունվարի 11-ին նշվում է «Շնորհակալության» միջազգային օրը։
Այս ուրախ տոնի մասնակիցները հունվարի 11-ին շնորհակալություն են հայտնում յուրաքանչյուր հանդիպողի: Այն ոչ միայն քաղաքավարության և բարեկրթության տոն է, այլև առողջության օր:
Հոգեբանների հետազոտությունների համաձայն` շնորհակալության անկեղծ խոսքը բարձացնում է ասողի ինքնագնահատականը, բարերար ազդեցություն գործում նրա իմունիտետի վրա, օգնում հաղթահարել սթրեսը և ընդհանրապես կարգավորում է մարդու հոգեկան աշխարհը:
Բնականաբար, շնորհակալությունն առողջարար է նաև հասցեատիրոջ համար: