Քաթարի «Ալ-Սաադի» գլխավոր մարզիչ Չավին մերժել է հունվարին «Բարսելոնան» գլխավորելու առաջարկը, հայտնում է armsport.am-ը՝ հղում անելով, հաղորդում է իսպանական Marca պարբերականին։
Կատալոնական ակումբի նախկին ֆուտբոլիստը նշել է, որ այս հարցը կքննարկեն ամռանը․ այսպիսով, Էռնեստո Վալվերդեն մինչև մրցաշրջանի ավարտը չի հեռանա «Բարսելոնայից»:
Ավելի վաղ հաղորդվում էր, որ «կապտանռնագույնները» պատրաստ են Չավիի հետ պայմանագիր կնքել, որը նախատեսված կլինի մինչև 2022 թվականի հունիսի 30-ը:
Ի սկզբանե, «Բարսելոնայի» ղեկավարները ցանկանում էին, որ ֆուտբոլիստը թիմը գլխավորի միայն ընթացիկ մրցաշրջանի ավարտից հետո, բայց Իսպանիայի Սուպերգավաթի կիսաեզրափակչում Մադրիդի «Աթլետիկոյից» (2:3) կրած պարտությունը նրանց ստիպեց մտափոխվել:
Չավին իր մարզչական կարիերան սկսել է 2019 թվականի մայիսին՝ գլխավորելով «Ալ-Սադը»: Նրա պայմանագիրը քաթարական ակումբի հետ նախատեսված է մինչև 2021 թվականի հունիսի 30-ը: