«Ավրորա»-ն շարունակում է Արցախի աջակցության ծրագիրը: Հիմնադրամն անմիջականորեն օգնում է տարածաշրջանի բնակիչներին #AraratChallenge-ի ֆինանսավորման նախաձեռնության միջոցով: Մինչ օրս օգնության չափն արդեն $ 473,000 է:
#AraratChallenge-ն աջակցում է շուրջ 50 նախագծերի, որոնք իրականացվում են բարեգործական կազմակերպությունների, հասարակական կազմակերպությունների և պետական կազմակերպությունների հետ համատեղ:
Օրինակ՝ «Ավրորա»-ն և «Նարեկացի» արվեստի կենտրոնն օգնում են Շուշիից Արցախ, բայց ոչ իրենց հայրենի քաղաք վերադարձած ընտանիքներին, ինչպես նաև նրանց, ովքեր ստիպված տեղափոխվել են Հայաստան. դրանք ավելի քան 200 ընտանիք են:
Հիմա, երբ պատերազմն ավարտվեց, նրանք ստիպված կլինեն ամեն ինչ սկսել զրոյից՝ այլ միջավայրում, նոր տանը:
«Ավրորայի» համագործակցությունը «Ծառայիր մեր հերոսներին» հասարակական կազմակերպության հետ շարունակվում է: Հիմնադրամը ֆինանսավորել է երկու նախագիծ, որոնք արդեն իրականացվում են Արցախում:
Հիմնադրամի գործունեությունն Արցախում անվերջ է. «Ավրորան» մասնակցում է միջազգային HALO Trust կազմակերպության ֆինանսավորմանը, որպեսզի կասետային ռումբերը հնարավորինս շուտ վնասազերծեն:
«Ավրորան» օգտագործել է իր միջազգային հեղինակությունը և ակտիվ դոնորների, փորձագետների, հումանիտար աշխատողների լայն ցանց, որպեսզի արցախցիները սկսեն վերադառնալ բնականոն կյանքի. տներ կառուցել, հող մշակել, հաց թխել, ստեղծագործել:
Միասին մենք ավելի ուժեղ ենք
