Սյունիքի մարզի Ագարակի համայնքին պատկանող հողատարածքների վարձակալության և ենթավարձակալության հանձնման գործընթացներում թույլ տրված կոռուպցիոն չարաշահումների դեպքի առթիվ 2020 թ. մայիսի 7-ին հարուցվել է քրեական գործ՝ ՀՀ քրեական օրենսգրքի 308-րդ հոդվածի 2-րդ մասի հատկանիշներով:
Գյուղատնտեսական նշանակության արոտավայր հանդիսացող 0,02 հա մակերեսով հողատարածքը համայնքի ղեկավարի որոշման և կնքված պայմանագրի հիման վրա ենթավարձակալության է տրամադրվել հեռահաղորդակցության ոլորտի օպերատոր ընկերությանը՝ ամսական 50 000 դրամ վարձավճարով։
2008թ. նոյեմբերի 13-ից Ագարակ համայնքի, ապա 2016թ․սեպտեմբերի 24-ից Մեղրի խոշորացված համայնքի ղեկավար հանդիսացող Մ. Զ.-ն, տեղյակ լինելով վարձակալության վճարը բազմակի գերազանցող գումարի դիմաց նշված հողատարածքը ոչ իր գործառնական նշանակությամբ օգտագործելու մասին, հողատարածքի վարձավճարը փոփոխվել և տարեկան 18 000 դրամի փոխարեն սահմանվել է 300 000 ՀՀ դրամ վարձ։
2008թ․ նոյեմբերի 13-ից մինչև 2021թ․ հունվարն ընկած ժամանակահատվածում համայնքի բյուջե 7 350 000 ՀՀ դրամի փոխարեն վճարվել է 3 657 500 ՀՀ դրամ, ինչն առաջացրել է ծանր հետևանքներ, մասնավորապես, համայնքային բյուջե չի վճարվել 3 692 500 ՀՀ դրամ:
ՀՀ Սյունիքի մարզի դատախազի որոշմամբ Մ. Զ.-ին առաջադրվել է մեղադրանք՝ ՀՀ քրեական օրենսգրքի 308-րդ հոդվածի 2-րդ մասով։