Մարտի դաշտից ՀՀ զենք տեղափոխած անձը Քաշաթաղի ոստիկանապետի տեղակալն է․ ԱԱԾ (տեսանյութ)

ԱԱԾ-ն բացահայտել է մարտի դաշտից զենք-զինամթերքի ապօրինի ձեռք բերած և Հայաստանի Հանրապետություն ապօրինի տեղափոխած ևս մեկ անձի ինքնությունը: Այս մասին հայտնում են ՀՀ ԱԱԾ-ից։

Պարզվել է, որ Արցախի Հանրապետության ոստիկանության Քաշաթաղի շրջանային բաժնի պետի՝ ծառայության գծով տեղակալ Ա.Բ.-ն, որպես ոստիկանության ծառայող, մասնակցելով Արցախի Հանրապետության դեմ սկսված պատերազմական գործողություններին, մարտական տարբեր խնդիրներ լուծելու համար բազմիցս մեկնելով  Ջրականի (Ջաբրայիլի) տարածք, դեռևս չպարզված հանգամանքներում ապօրինի կերպով ձեռք է բերել ռազմամթերք։

Այնուհետև՝  2020 թվականի նոյեմբերի 3-ին, յուրաքանչյուր ինքնաձիգը 500-600 ԱՄՆ դոլար գումարով իրացնելու վերաբերյալ պայմանավորվածություն է ձեռք բերել այլ անձի հետ: Սակայն, չի հասցրել իրացնել, քանի որ ապօրինի ձեռք բերած և պահած մեծածավալ զենքերը հայտնաբերվել և վերցվել են ՀՀ ԱԱԾ աշխատակիցների կողմից:

Մանրամասները՝ տեսնյութում․