«Ինժեներական քաղաքի» ծրագիրը մտել է ակտիվ փուլ: Այն Համաշխարհային բանկի հետ համագործակցությամբ իրականացվող «Առևտրի խթանում և որակի ենթակառուցվածքներ» ծրագրի շրջանակում ֆինանսավորվող նախագծերից է: Այս մասին իր Facebook-ի էջում հայտնել է ՀՀ փոխվարչապետ Տիգրան Ավինյանը:
«Հայաստանում ապագայի քաղաքի հատակագիծն արդեն հաստատվել է, շուտով կհայտարարվի նաև շինարարարական ընկերության մրցույթը և կսկսվի քաղաքի կառուցումը:
Այն Բաղկացած է լինելու 22 ինժեներական ընկերությունների շինություններից, լաբորատորիայից, ավտոկայանատեղիից, այգուց և ինժեներական ենթակառույցներից: Վերածվելու է ինժեներական մտքի ու նորարարությունների կենտրոնի: Ապահովելու է քաղաքային կյանքի միանգամայն նոր միջավայր»,-ընդգծել է նա՝ հավելելով, որ Նախագծի հեղինակը «Storaket Architectural Studio»-ն է:
