Ադրբեջանի նախագահ Իլհամ Ալիևը, Թուրքիայի նախագահ Ռեջեփ Թայիփ Էրդողանը և «Ազգայնական շարժում» (MHP-ԱՇԿ) կուսակցության առաջնորդ Դևլեթ Բահչելին մասնակցելու են Ադրբեջանի օկուպացիայի տակ հայտնված Շուշի քաղաքում դպրոցի հիմնարկեքի արարողությանը: Այս մասին հայտնել է ԱՇԿ-ի նախագահի խորհրդական Զիյա Գունայդընը։
Հիշյալ կուսակցությունը համարվում է թուրքական «Գորշ գայլեր» ծայրահեղական խմբավորման քաղաքական թևը Թուրքիայում։
Նշենք, որ ավելի վաղ կուսակցապետ Բահչելին հայտարարել էր, որ մտադիր են «Գորշ գայլերի» միջոցներով դպրոց բացել Շուշիում։ Այդ նախաձեռնությունը դրական արձագանք էր ստացել Ադրբեջանի և Թուրքիայի նախագահների կողմից:
