Լեռնային Ղարաբաղում ԿԽՄԿ առաքելությունը շարունակում է աջակցել հակամարտությունից տուժած խաղաղ բնակչությանն ու քաղաքացիական ենթակառուցվածքներին։ Վերջին օրերին ԿԽՄԿ-ն Մարտակերտի և Մարտունու շրջվարչակազմերին է տրամադրել շինանյութեր (շինարարական տախտակներ, փայտե սալիկներ, նրբատախտակ, մեխեր և այլն): Այդ նյութերը նախատեսված են շուրջ 200 վնասված տների համար ժամանակավոր լուծում գտնելու աշխատանքների իրականացման համար: Միևնույն ժամանակ, նշված վարչակազմերը ստացան համայնքային ջրատախտակների համար որոշ միջոցներ՝ շարժիչային պոմպեր, յուրաքանչյուրը 5000 լիտր տարողությամբ ջրատարներ, էլեկտրական եռակցման մեքենաների հավաքածուներ և այլն: Առաքելությունը նաև շարունակում է սնունդ և այլ պարագաներ տրամադրել տուժած խաղաղ բնակիչներին, ինչպես նաև աջակցում է առողջապահական համակարգին, որը դեռ պայքարում է COVID-19 տարածումը կանխելու ուղղությամբ: Կազմակերպությունը համաճարակաբանության և հիգիենայի կենտրոնին է նվիրաբերել վարակի կանխարգելման և վերահսկման որոշ պարագաներ (օճառ, ալկոգել և անձնական պաշտպանության միջոցներ):
Հիշեցնեմ, որ ավելի վաղ հայտնի դարձավ, որ Կարմիր խաչի միջազգային կոմիտեն (ԿԽՄԿ) նախատեսում է ընդլայնել իր կոնտինգենտը Լեռնային Ղարաբաղում: