Վնասված գազատար խողովակի վերանորոգման աշխատանքներն ավարտված են։ Հաշվի առնելով գազատարի՝ 10 օր շարունակ չգործելու հանգամանքը, այժմ իրականացվում են տեխնիկական բնույթի մի շարք աշխատանքներ գազի պատշաճ և անխափան փոխադրումն ու մատուցումը բաշխիչ ցանցերին ապահովելու ուղղությամբ։ Այս մասին հայտնում են Արցախի տեղեկատվական շտաբից։
Նշված աշխատանքներն ավարտելուց հետո գազամատակարարումը կվերականգնվի։
«Կրկին հորդորում ենք բոլոր բաժանորդներին պահպանել զգոնություն, որպեսզի գազամատակարարման վերականգնման պահին գազի արտահոսք ու արտակարգ պատահար տեղի չունենա»,- ասված է հաղորդագրության մեջ:
Հիշեցնենք, որ ադրբեջանական կողմը պայթեցրել է Արցախի գազատարը։ Ադրբեջանական և ռուսական կողմի բանակցությունների արդյունքում գազատարն արդեն վերականգնված է։
