Ամերիկահայ միլիոնատեր Դեն Բիլզերյանն ամուսնացել է։ Նա այդ մասին հայտնել է իր ինստագրամյան էջում և կից լուսանկար հրապարակել։ «Ես վերջապես դա արեցի»,- լուսանկարը մակագրել է Բիլզերյանը։
Հիշեցնենք, որ ամերիկացի վենչուրային կապիտալիստ, միլիոնատեր, պոկերի հայտնի խաղացող Դեն Բիլզերյանը հուլիսի սկզբին եկել էր Հայաստան։ Dan’s Shop-ում՝ Դեն Բիլզերյանի պաշտոնական խանութ-սրահում, Հայաստանում նա հանդիպել էր երկրպագուների հետ։ Հանդիպման մասնակիցները ձեռք բերեցին Բիլզերյանի ինքնակենսագրական «Դրվածք» գիրքը նրա ինքնագրով։
Հայաստանում նոր նախագծերի մասին Armenia Today-ի թղթակցի հարցին ի պատասխան՝ Բիլզերյանը նշել էր իր Հայաստանի խանութը և ասել, որ մտածում է նաև ալկոհոլի բիզնեսի մասին։ Բելզիրյանը նաև ասել էր, որ Հայաստան է եկել ընկերների հարսանիքին։
Նշենք, որ Դեն Բիլզերյանն արդեն այցելել էր Հայաստան 2018թ, այնուհետև ստացել էր Հայաստանի Հանրապետության քաղաքացիություն և հաշվառվել Հայաստանի զինված ուժերում։ Բիլզերյանն այցելել էր նաև Արցախ։
