Ի՞նչ պայմաններով է տրամադրվում սահմանամերձ գյուղերում տուն կառուցելու պետական աջակցությունը

Պետական աջակցությամբ սահմանամերձ բնակավայրում տուն կառուցելու ծրագրի շահառուները ՀՀ ՔԿԱԳ իրականացնող մարմիններում գրանցված ամուսիններն են, որոնցից առնվազն մեկն ունի ՀՀ քաղաքացիություն, մամուլի ասուլիսի ժամանակ պարզաբանել է Աշխատանքի և սոցիալական հարցերի նախարարության կառուցվածքային ստորաբաժանումների առանձին գործառույթներ համակարգող խորհրդական Գայանե Ղարագյոզյանը։

Ընդ որում, տարիքային սահմանափակում չկա, երեխա ունենալու հանգամանքը կարևոր չէ։ «Վերջիններս պետք է ունենան հող կամ կիսակառույց շինություն սահմանված 80 սահմանամերձ բնակավայրերից որևէ մեկում, պետք է ունենա տան նախագիծ, նախահաշիվ և համայնքից ստացված շինթույլտվություն։ Բոլոր այս փաստաթղթերով պետք է ներկայանան նախարարության միասնական սոցիալական ծառայության հետ համագործակցող բանկ կամ վարկային կազմակերխպություն և սկսեն հիփոթեքային վարկավորման գործընթացը։ Նրանք չպետք է ունենան նաև գործող ժամկետանց պարտավորություններ, քանի որ դա կխոչընդոտի բանկային հիփոթեքային վարկավորման գործընթացին»,- ընդգծել է Ղարագյոզյանը։

Նրա խոսքով՝ ծրագրի առավելագույն չափը 16 մլն դրամ մայր գումարն է և դրա նկատմամբ հաշեգրվող մինչև 13 տոկոս տոկոսագումարը։ Շահառուն վարկի մարման գործընթացում որևէ մասնակցություն չի ունենում։

Կառավարության որոշմամբ՝ մինչև 2027թ․ սահմանամերձ շուրջ 82 համայնքների և բնակավայրերի բնակիչներ կշարունակեն ստանալ փոխհատուցում բնական գազի, էլեկտրաէներգիայի, ոռոգման ջրի դիմաց, ինչպես նաև կօգտվեն ՀՀ կառավարության որոշմամբ սահմանված այլ փոխհատուցման ծրագրերից

Մանրամասները՝ տեսանյութում