Էրեբունի ռուսական ավիացիոն ռազմակայանի օդաչուները և Հայաստանի Հարավային ռազմական օկրուգի հակաօդային պաշտպանության զենիթային ստորաբաժանումների հաշվարկները ՀՀ պաշտպանության նախարարության հերթապահ հերթափոխների զինծառայողների հետ համատեղ կատարել են ուսումնական խնդիրներ:
Այս մասին լրագրողներին հայտնել է ռուսական ռազմակայանի մամուլի ծառայության պետ Վադիմ Աստաֆևը։
«Ուսումնական պարապմունքների ընթացքում մշակվել են օդային տարածքը խախտողներին նմանակող պայմանական օդային թիրախների հայտնաբերելու և որսալու գործողությունները»,- ասել է նա:
ՀՕՊ ստորաբաժանումների զինծառայողները գործողություններ են կատարել օդային տարածքի պահպանության մարտական հերթապահություն իրականացնելիս: Հերթապահ հերթափոխների ուսումնավարժական թռիչքներն իրականացվել են 50-ից մինչև 6 հազար մետր բարձրություններում՝ ճանաչման անջատված համակարգերով տարբեր արագությունների վրա:
Վարժանքների ընթացքում հատուկ ուշադրություն է դարձվել ՀՌՕ միավորման տեղակայման շրջանում տեղակայված օդային սահմանների և ստորաբաժանումների պաշտպանությանը: Զինծառայողները առատ տեղումների, պոռթկուն քամու, ինչպես նաև բարձրլեռնային տեղանքում ջերմաստիճանի տատանումների պայմաններում կատարել են խնդիրներ:
