Երեւանի ընդհանուր իրավասության դատարանը մերժել է Ազգային ժողովի նախկին պատգամավոր Լևոն Սարգսյանի խափանման միջոց կալանավորումը փոխելու միջնորդությունը:
Այս մասին Armenia Today-ի հետ զրույցում ասաց Լևոն Սարգսյանի պաշտպան Աշոտ Սարգսյանը։
«Միջնորդել էինք գրավի դիմաց ազատ արձակել նրան, իսկ գրավի չափը որոշելը թողել էինք դատարանի հայեցողությանը: Սակայն, Լևոն Սարգսյանը կմնա կալանքի տակ»,- ասաց Սարգսյանը:
Հիշեցնենք, որ Լևոն Հրաչյայի Սարգսյանին մեղադրանք է առաջադրվել այն բանի համար, որ նա, մասնակցելով քաղաքացիներ Արա Կարապետյանի և Արմեն Նիկողոսյանի ստեղծած հանցավոր համագործակցությանը, առանձնապես խոշոր չափերով գույք հափշտակելու նպատակով պատվիրել և ղեկավարել է կազմակերպված խմբի կողմից 2008 թվականի հոտկեմբերի 27-ին ՀՀ ԿԱ մաքսային պետական կոմիտեի նախկին նախագահ Արմեն Ավետիսյանին պատկանող, Երևան քաղաքի Իսահակյան փողոցի թիվ 34 «բ» հասցեում գտնվող առանձնատան վրա ավազակային հարձակման կատարումը: