Պատրաստ եմ ուղիղ եթերում պատասխանել Ձեր հարցին, եթե գրավոր ներկայացնեք իմ մեջբերումն այն մասին, թե ասել եմ՝ Շուշին ադրբեջանական է։
Այս մասին ասաց վարչապետ Նիկոլ Փաշինյանը Եռաբլուրում՝ պատասխանելով լրագրողի հարցին, թե, իբրև, Փաշինյանը հայտարարել է, որ Շուշին ադրբեջանական է, երբ այստեղ՝ Եռաբլուրում, ամփոփված են նաև Շուշիում ընկած զինվորների աճյունները․․․ Շուշին ադրբեջանակա՞ն քաղաք է։
«Կատարե՛ք պայմանը, ներկայացրեք գրավոր մեջբերում և ես կպատասխանեմ Ձեր հարցին»,- ասաց Փաշինյանը։
Հիշեցնենք, որ ՀՀ վարչապետը Կառավարություն-ԱԺ հարցուպատասխանի ժամանակ Նաիրա Զոհրաբյանի հարցին ի պատասխան ասել էր․
«Շուշին հակամարտությունից և ազատագրումից առաջ ունեցել է 90 և ավելի տոկոս ադրբեջանական բնակչություն։ Ուզում եք ասել, որ 90 և ավելի տոկոս ադրբեջանական բնակչություն ունեցող Շուշին հայկակա՞ն է իր այդ կարգավիճակով»։
