Կառավարության շենքի բակում իրավիճակն այսօր կրկին լարվել էր, քաղաքացիները փորձում էին մտնել կառավարության շենք և հանդիպել Նիկոլ Փաշինյանի հետ։
Քաղաքացիների մի մասն էլ Դատախազության շենքի դիմաց պահանջել է հանդիպում ՀՀ գլխավոր դատախազ Արթուր Դավթյանի հետ:
Ինչպես հայտնում է Armenia Today-ի թղթակիցը, այսօր ոստիկանների թիվն անհամեմատ շատ է եղել, քան ցուցարարներինը։
Հանրապետության հրապարակում իշխանության հրաժարականի և ժամանակավոր կառավարության ձևավորման պահանջով հանրահավաքն ավարտվել է:
Ոստիկանության բաժին բերման է ենթարկվել 26 քաղաքացի։ Հրապարակում հավաքվածների պնդմամբ՝ բերման է ենթարկվել նաև «Հայոց ազգային գվարդիա» հասարակական կազմակերպության ղեկավար Արշակ Զաքարյանը։
