Այսօր իմ լավ բարեկամ, ողջ աշխարհում հայտնի հետախույզ, Խորհրդային Միության հերոս Գևորգ Վարդանյանի ծննդյան օրն է: Ես բախտ եմ ունեցել անձնապես ճանաչելու Գևորգ Վարդանյանին և նրա տիկնոջը՝ Գոհար Լևոնովնային, ինստագրամյան իր էջում գրել է ՀՀ նախագահ Արմեն Սարգսյանը։
«Նրանց ներկայությունը ցանկացած միջավայր ավելի հետաքրքրիր ու հիասքանչ էր դարձնում ոչ թե այն պատճառով, որ Գևորգ Վարդանյանը ԽՍՀՄ հերոս էր, այլ որովհետև նա շատ հետաքրքիր մարդ էր, իսկ Գոհար Վարդանյանն էլ հրաշալի կին էր՝ սիրով լցված այն ամենի հանդեպ, ինչը շրջապատում էր նրանց։ Գևորգ Վարդանյանի հետ հետաքրքիր էր ամեն ինչի մասին խոսել՝ աշխարհաքաղաքականության, տարածաշրջանային քաղաքականության, ապագայի, տեխնոլոգիաների մասին, բայց մեր զրույցների հիմնական թեման Հայաստանն էր։ Նա խորհրդային մեծ հետախույզ էր, բայց նա հայ էր, որը սիրում էր իր ու ծնողների պատմական հայրենիքը»։
