ԱԺ-ն երկրորդ ընթերցմամբ և ամբողջությամբ ընդունեց Կառավարության ներկայացրած «Պետական տուրքի մասին» օրենքում փոփոխությունների նախագիծը:
Փոփոխությունները պայմանավորված են սոցիալ-տնտեսական ցուցանիշների փոփոխությամբ, որոնք վերջին 20 տարում 4-5 անգամ փոփոխվել են:
Օրենքով սահմանվել են մի շարք արտոնություններ, ինչպես նաև մի շարք դեպքերում վերանայվել է դատարան դիմելու համար սահմանված պետական տուրքը՝ այն բարձրացվել է:
Հիշեցնենք, որ առաջին ընթերցումից տրվել են նոր արտոնություններ՝ զինծառայողների կամ այլ քաղաքացիների՝ ռազմական գործողությունների կապակցությամբ անհայտ կորած կամ մահացած ճանաչելու գործերին: Պետական տուրքից այդ անձինք կազատվեն:
Միաժամանակ օրինագծի ընդունման դեպքում պետական տուրքից կազատվեն նաև ռազմական գործողությունների հետևանքով մահացած անձանց ժառանգները, եթե խոսքը վերաբերի ժառանգության ընդունման գործերին: