Եվրոպական հանձնաժողովի հարևանության և ընդլայնման հարցերով հանձնակատար Օլիվեր Վարհեին ՀՀ փոխվարչապետի պաշտոնակատար Մհեր Գրիգորյանի հետ համատեղ հայտարարության ընթացքում նշել է, որ առաջիկայում 9-10 մլն եվրո օգնություն կտրամադրվի հակամարտությունից տուժած անձանց։
«ԵՄ-ն աջակցելու է վստահության ամրապնդման միջոցառումների իրականացմանը՝ նախևառաջ մարդասիրական ճգնաժամը հաղթահարելու գործընթացում»,- ասել է Վարհեին:
Եվրահանձնակատարը նաև հայտնել է, որ ԵՄ-ը կորոնավիրուսի հետ կապված անցած տարի Հայաստանին է տրամադրել ավելի քան 100 մլն եվրոյի չափով օգնություն։ Նա կարևորել է ՀՀ բոլոր քաղաքացիների պարտադիր պատվաստումը։
«Հայաստանում ընտրություններից հետո ձևավորվել է ուժեղ խորհրդարանական մեծամասնություն, և մենք առջևում մեծ աշխատանք ունենք»,- նշել է Վարհեին՝ հավելելով, որ երկրում քաղաքական կայունության հաստատումը կնպաստի ներդրումների ներհոսքին։
