Ռուսաստանի արտաքին գործերի նախարարությունում լրջորեն մտահոգված են հայ-ադրբեջանան սահմանի առանձին հատվածներում վերջերս տեղի ունեցած զինված միջադեպերով, որոնք հանգեցրել են մարդկային զոհերի: Այս մասին ասվում է ՌԴ ԱԳՆ տեղեկատվության և մամուլի դեպարտամենտի տնօրենի տեղակալ Ալեքսանդր Բիկանտովի մեկնաբանության մեջ։
«Ցավակցություն ենք հայտնում զոհվածների ընտանիքներին, մաղթում ապաքինում տուժածներին և վիրավորներին։ Ցավոք, սահմանին իրավիճակը շարունակում է լարված մնալ։ Կոչ ենք անում կողմերին զերծ մնալ իրավիճակի հետագա լարումից, ծագող բոլոր հարցերը լուծել քաղաքական-դիվանագիտական ճանապարհով:
Ռուսաստանը պատրաստ է այսուհետ ևս անհրաժեշտ աջակցություն ցուցաբերել հայ-ադրբեջանական սահմանի շրջանում իրավիճակի կարգավորմանը՝ ապաԷսկալացման և սահմանազատման համատեղ աշխատանքի շուտափույթ գործարկման միջոցով։ Մտադիր ենք ակտիվորեն աշխատել Անդրկովկասը կայունության, անվտանգության և բարգավաճման գոտի դարձնելու ուղղությամբ ՝ Ադրբեջանի, Հայաստանի և Ռուսաստանի Դաշնության ղեկավարների 2020 թվականի նոյեմբերի 9-ի և 2021 թվականի հունվարի 11-ի եռակողմ հայտարարությունների ոգուն համապատասխան»,- ասված է մեկնաբանության մեջ: