Արցախի Հանրապետության կրթության գիտության, մշակույթի և սպորտի նախարարությունը տեղեկացնում է, որ եղանակային և ջեռուցման խնդիրներով պայմանավորված՝ նախադպրոցական, արտադպրոցական հանրակրթական, նախնական (արհեստագործական) և միջին մասնագիտական ուսումնական հաստատություններում ուսումնական գործընթացը դադարեցված կմնա մինչև մարտի 26-ը ներառյալ։
Հանրակրթական, նախնական (արհեստագործական) և միջին մասնագիտական ուսումնական հաստատություններում 5-օրյա աշխատանքային շաբաթվա դեպքում պարապմունքները լրացվելու են հաջորդող շաբաթ օրերին, 6-օրյա աշխատանքային շաբաթվա դեպքում դասաժամերը բաշխվելու են մինչև ուսումնական պարապմունքների ավարտը։
Հիշեցնենք, որ Արցախում կրկին գազամատակարարում չկա։ Այն դադարեցվել է մարտի 21-ին՝ ենթադրաբար ադրբեջանական կողմից։ Կասկած կա, որ գազատարի վթարի վերականգնման աշխատանքների ժամանակ ադրբեջացիները փական են տեղադրել գազատարի վրա, որպեսզի հետագայում սադրանքների դիմեն արցախահայության նկատմամբ։