ՀՀ Տարածքային կառավարման և ենթակառուցվածքների նախարար Սուրեն Պապիկյանը Մոսկվայում հոկտեմբերի 2-ին մասնակցել է «Ռուսաստանյան էներգետիկ շաբաթ» միջազգային համաժողովի լիագումար նիստին, որտեղ բացման խոսքով հանդես է եկել ՌԴ նախագահ Վլադիմիր Պուտինը: Այս մասին տեղեկատվություն է տարածել ՀՀ տարածքային կառավարման և ենթակառուցվածքների նախարարության հասարակայնության հետ կապերի բաժինը։
Սուրեն Պապիկյանը ներկա է գտնվել նաև Վլադիմիր Պուտինի և մասնակից երկրների ոլորտային գերատեսչությունների ու միջազգային կազմակերպությունների ղեկավարների հանդիպմանը: ֆորումը լավ հարթակ է համաշխարհային էներգետիկ խնդիրները քննարկելու և զարգացման ուղիներ փնտրելու համար:
Միջազգային համաժողովի լիագումար նիստի շրջանակներում Սուրեն Պապիկյանը հանդիպել է նաև ՌԴ «Ռոսատոմ» պետական կորպորացիայի գլխավոր տնօրեն Ալեքսեյ Լիխաչովի հետ: Հանդիպման ընթացքում քննարկվել են Հայկական ատոմային էլեկտակայանի շահագործման ժամկետի երկարացման աշխատանքների հետ կապված ընթացիկ հարցեր։
«Ռուսաստանյան էներգետիկ շաբաթ» միջոցառման շրջանակներում նախատեսվում են մեծաթիվ նշանակալի միջազգային միջոցառումներ, ցուցահանդեսներ, որոնց մասնակցելու են պետական մարմինների համաշխարհային և ռուսաստանյան խոշորագույն էներգետիկ ընկերությունների ղեկավարներ, նաև համաշխարհային փորձագիտական հանրության ներկայացուցիչներ:
«Ռուսաստանյան էներգետիկ շաբաթ» միջազգային համաժողովն ամենամյա միջոցառում է, որը տեղի է ունենում 2017 թվականից սկսած: Այն ձեռք է բերել Ռուսաստանում և ԵԱՏՄ անդամ երկրներում էներգաարդյունավետության ոլորտում հիմնական իրադարձության կարգավիճակ:
Համաժողովի նպատակն է ցույց տալ ռուսական վառելիքի և էներգետիկ համալիրի հեռանկարները և գիտակցել էներգետիկ ոլորտում միջազգային համագործակցության ներուժը: Ֆորումը հարթակ է՝ քննարկելու տնտեսության էներգետիկ ոլորտի առջև ծառացած հիմնական մարտահրավերները և զարգացման ընթացիկ խնդիրները գազի արդյունաբերության, նավթարդյունաբերության, ածխարդյունաբերության, նավթաքիմիկատների, էլեկտրաէներգիայի արդյունաբերության, էներգախնայողության և էներգախնայողության բարելավման ոլորտներում:
Հիշեցնենք, որ այս տարի Ռուսաստանի էներգիայի շաբաթվա հիմնական իրադարձություններն անցկացվում են հոկտեմբերի 2-5-ը՝ «Մանեժ» կենտրոնական ցուցասրահի տարածքում: Կազմակերպիչներն են ՌԴ էներգետիկայի նախարարությունը և Մոսկվայի կառավարությունը: