«Պատիվ ունեմ» խմբակցության պատգամավոր Թագուհի Թովմասյանը ֆեյսբուքյան իր էջում ահազանգ է հնչեցրել՝ տեղեկացնելով, որ ադրբեջանցիներն այրում են Գեղարքունիքի մարզի Սոթք, Կութ, Ազատ, Նորաբակ համայնքներին մոտ գտնվող տարածքների խոտածածկույթը, իսկ իրավիճակը վատթարացել է քամու պատճառով։
«Քիչ առաջ կապ եմ հաստատել ՀՀ Գեղարքունիքի մարզի Գեղամասար խոշորացված համայնքի ղեկավար Հակոբ Ավետյանի հետ, որը հաստատեց, որ ադրբեջանցիներն այրում են ՀՀ Գեղարքունիքի մարզի Սոթք, Կութ, Ազատ, Նորաբակ համայնքներին մոտ գտնվող տարածքների խոտածածկույթը: Իրավիճակը վատթարացել է քամու պատճառով, ինչի հետևանքով հրդեհների մարման լրջագույն խնդիրներ են առաջացել:
Ականատեսներ ենք ունեցել, որ ադրբեջանցիներն այրվող անիվներ են նետում համայնքների ուղղությամբ՝ ստեղծելով է՛լ ավելի բարդ իրավիճակ համայնքների բնակիչների համար:
Ակնկալում եմ, որ իրավասու օղակները արագ կարձագանքեն և քայլեր կիրականացնեն Ադրբեջանի սանձարձակ վարքագծին համարժեք արձագանք տալու առումով:
Հիշե՛ք, թշնամին հեռու է խաղաղասիրական թեզերից»,- գրել է Թագուհի Թովմասյանը:
