Սևանում կառուցված ապօրինի տարածքների պայմանագրերը կոպիտ խախտումներով են կազմվել: Հաճախ դրանք վերավարձակալության են տրվել, ինչի իրավունքը չունեին: Սևանա լճում կատարվողը խայտառակություն է: Այս մասին հայտնում է ՀՀ Շրջակա միջավայրի նախարար Ռոմանոս Պետրոսյանը:
Նա պատմում է, որ մեկ քառակուսի մետրը վերավաճառվել է 30-40 ԱՄՆ դոլարով:
«Այդ տարածքները մեկ-մեկուկես տասնամյակ առաջ վարձակալվել են 6-8 դրամ՝ մեկ քառակուսու դիմաց: Այսօր համապատասխան հարթակներում դրանց արժեքը հասնում է 15-20 հազար ՀՀ դրամի»,- ասում է Ռոմանոս Պետրոսյանը:
Նախարանը վստահեցնում է, որ առաջնահերթ կքանդվեն Սևանի ափին գտնվող պետական ու համայնքային կառույցներից 32-ը:
Հիշեցնենք, որ ապօրինի զավթումների ու յուրացման 30-ից ավելի քրեական գործ կա: