«Շուկա մուտքով մենք կոտրեցինք մենաշնորհը, կարողացանք ասել, որ կապը միայն Երևանի համար չէ, բոլոր մարզերի համար է, և հեռավոր սարերի հովիվն էլ իրավունք ունի օգտվել դրանից»: Այս մասին Երևանում «Տաշիր» ընկերությունների խմբի աջակցությամբ մեկնարկած հայկական ներդրումային ֆորումի ժամանակ ասաց VivaCell MTS ընկերության հիմնադիր Ռալֆ Յիրիկյանը՝ ներկայացնելով ընկերության ձեռքբերումները:
Յիրիկյանը նաև նկատեց, որ առաջինն իրենց ընկերությունն է դռները բացել ֆիզիկական թերություն ունեցող անհատների առաջ. «Ասացինք՝ մտեք, ինչ երազանք ունեք՝ դարձրեք իրականություն»:
Նշենք, որ «AIF 2021» ներդրումային համաժողովն առաջին անգամ կանցկացվի Հայաստանում և կհամախմբի հարյուրավոր տարածաշրջանային և միջազգային ներդրողների, ձեռնարկատերերի և նախագծերի սկսնակ ներկայացուցիչների: Ֆորումը կդառնա ներդրումային ծրագրերի քննարկման և իրականացման ամենամեծ հարթակը, այն նաև նախատեսված է նպաստելու Հայաստանում բիզնեսների փոխազդեցությանը տարբեր մակարդակներում:
Ֆորումի նախաշեմին՝ սեպտեմբերի 7-ից 13-ը, Դիլիջանում տեղի կունենա Buissap ֆորումը, որին կարող են մասնակցել երիտասարդ ձեռներեցները: Ֆորումը կներկայացնի նոր նախագծեր, որոնք հաղթահարել են մրցույթը: Buissap ֆորումի մասնակիցները կունենան վարպետության դասեր և կապ կհաստատեն առաջատար փորձագետների հետ, որոնք կօգնեն նախագծել և պատրաստել այդ նախագծերը մեծ ժյուրիին ներկայացնելու համար: Buissap ֆորումի միջոցառումների արդյունքում ընտրված լավագույն նախագծերի հեղինակները հնարավորություն կունենան դրանք ներկայացնել սեպտեմբերի 20-ին՝ Երևանում կայանալիք Armenian Invest Forum-ին:
Առավել մանրամասն՝ տեսանյութում: