Համաշխարհային բանկի «Գլոբալ տնտեսության հեռանկարները» զեկույցի համաձայն` 2022 թվականին Հայաստանի տնտեսության աճի տեմպերը կկազմեն 4,8 տոկոս, 2023 թվականին՝ 5,4 տոկոս:
Բանկի փորձագետների գնահատականներով՝ մասնավոր սպառման հուսալիությունը և կայուն ներդրումային միջավայրը կնպաստեն ներքին պահանջարկի աճին, ինչն իր հերթին կարագացնի Հայաստանի տնտեսական աճը 2023 թվականին: Քիչ չափով դրան կնպաստեն աշխարհաքաղաքական լարվածության թուլացումը, COVID-19-ի դեմ պատվաստման գործընթացում ձեռք բերված առաջընթացը, ինչպես նաև սպառողների և բիզնեսի վստահության բարձրացումը:
Այսօր ավելի վաղ ՀՀ էկոնոմիկայի նախարար Վահան Քերոբյանը հայտնել էր, որ ընթացիկ տարում կառավարությունը մտադիր է ապահովել ՀՆԱ-ի աճի նպատակային ցուցանիշի կատարումը առնվազն 7%-ով:
Ընդհանուր առմամբ, ՀԲ-ի կանխատեսումներով, 2022 թվականին Եվրոպական և Կենտրոնական Ասիայի տարածաշրջանում տնտեսության աճի տեմպերը կնվազեն մինչև 3 տոկոս՝ 2021 թվականի համեմատությամբ գրեթե կիսով չափ, քանի որ մակրոտնտեսական քաղաքականության խստացումը և COVID-19-ի կրկնվող բռնկումները, այդ թվում նաև նրա «օմիկրոն» շտամը, բացասաբար կազդեն պահանջարկի վրա: