Վարչապետ Նիկոլ Փաշինյանի գլխավորությամբ այսօր տեղի է ունեցել Ներդրումային կոմիտեի առաջին նիստը:
Վարչապետի աշխատակազմի փոխանցմամբ՝ նիստին մասնակցել են ՀՀ փոխվարչապետերը, վարչապետի աշխատակազմի ղեկավարը, էկոնոմիկայի և ֆինանսների նախարարները, արդարադատության, Էկոնոմիկայի և արտակարգ իրավիճակների նախարարների տեղակալները, պաշտոնատար այլ անձինք:
Բացելով քննարկումը՝ վարչապետը նշել է. «Հարգելի գործընկերներ, սկսում ենք հանրային ներդրումների կառավարման Ներդրումային կոմիտեի առաջին նիստը: Հիշեցնեմ՝ այս մարմինն ստեղծվել է, որպեսզի գնահատենք հանրային ներդրումների, կապիտալ ներդրումների առաջնահերթությունները և որոշումներ կայացնելիս կարողանանք առաջնորդվել ըստ օգտակար գործողության առավելագույն գործակցի, ինչպես նաև բյուջեի պլանավորման համատեքստում տեղավորենք այս աշխատանքը»:
Նշվում է, որ ներդրումային կոմիտեի նիստի շրջանակում քննարկվել են օրակարգում ընդգրկված մի շարք հարցեր:
Նշենք, որ վարչապետի հրամանով այս տարվա փետրվարին Հայաստանում ներդրումային կոմիտե է ստեղծվել։