Այս տարվա առաջին եռամսյակում Ռուսաստանից Հայաստան է ժամանել 134 129 մարդ։ Ընդ որում, Հայաստան մուտք գործած բոլոր ռուս քաղաքացիները օգտվել են ավիացիոն տրանսպորտից։
Ժամանածների մեծ մասը, մասնավորապես, 78,3 հազար մարդ, որպես Հայաստան այցելության նպատակ նշել են «մասնավոր այցը»։ Գրեթե 42 հազար՝ զբոսաշրջություն և մոտ 4 հազար՝ բիզնես։
Համեմատության համար նշենք, որ նախորդ տարվա առաջին եռամսյակում Ռուսաստանից Հայաստան է մեկնել 44 586 մարդ։
Ավելի վաղ Հայաստանի էկոնոմիկայի նախարար Վահան Քերոբյանը հայտարարել էր, որ Ուկրաինայի իրադարձությունների սկզբից Հայաստան է ժամանել 70-ից մինչև 100 հազար ռուս: Դրանց մի մասը զբոսաշրջիկներ են, մի մասը՝ գործարարներ ու ընկերություններ, որոնց նպատակը Հայաստանում բիզնես հիմնել կամ ընդլայնելն է։
