Moody’s-ը հայտնել է, որ Ռուսաստանը արտաքին պարտքային պարտավորությունների գծով դեֆոլտ է թույլ տվել: Ինչպես հայտնում է TASS-ը՝ այս մասին ասվում է միջազգային վարկանիշային գործակալության կայքում։
«Հունիսի 27-ին Ռուսաստանի սուվերեն պարտքի կրողները չեն ստացել եվրոպարտատոմսերի թողարկման արժեկտրոնային վճարումները: Խոսքը 30-օրյա արտոնյալ ժամանակաշրջանի ավարտի պահին 100 մլն դոլար գումարի մասին է, ինչը, մեր որոշման համաձայն, դեֆոլտ է»,- նշվում է հաղորդագրության մեջ:
Միևնույն ժամանակ ՌԴ ֆինանսների նախարար Անտոն Սիլուանովը հայտարարել է, որ դա չի նշանակում արտաքին պարտքի դեֆոլտ։ Նրա խոսքով՝ վարկատուները ոչ մի հիմք չունեն կարծելու, որ Մոսկվան իր պարտավորությունները ոչ պատշաճ կերպով է կատարում, քանի որ Ռուսաստանը ֆորս-մաժորի պայմաններում անում է ամեն ինչ, որպեսզի վարկատուները ստանան իրենց միջոցները: Սիլուանովի խոսքով՝ ԱՄՆ-ը ու Եվրամիությունն արհեստական խոչընդոտներ են ստեղծում ռուսական արտաքին պարտքի սպասարկման համար։ Ըստ նրա՝ դա արվում է զուտ «դեֆոլտ» պիտակը կպցնելու համար։
Հիշեցնենք, որ փետրվարի 24-ի առավոտյան Ռուսաստանը սկսել է Ուկրաինայի ապառազմականացման և ապաշրջափակման հատուկ գործողությունը: Ուկրաինայի նախագահ Վլադիմիր Զելենսկին Մոսկվային մեղադրել է երկրի ռազմական ենթակառուցվածքների վրա հարձակվելու մեջ և Ուկրաինայի ամբողջ տարածքում ռազմական դրություն է մտցրել՝ խզելով դիվանագիտական հարաբերությունները ՌԴ-ի հետ: