Հաջորդ՝ 2023 թվականի համար ևս նախանշվել է տնտեսական աճի 7 տոկոս մակարդակ։ Այս մասին ՀՀ ազգային ժողովի նիստում հայտարարեց Կենտրոնական բանկի նախագահ Մարտին Գալստյանը՝ ներկայացնելով պետբյուջեի մասին ՀՀ օրենքի նախագծի վերաբերյալ ԿԲ եզրակացությունը։
Նրա խոսքով՝ 2023-ի պետական բյուջեի ծրագիրը նպատակադրում է հարկել ՀՆԱ-ում ավելի դանդաղ աճ, սակայն կապիտալ ծախսերի և պարտքի կրճատման տեմպերի արագացում, որի արդյունքում համախառն պահանջարկի վրա բյուջեի վարքագիծը 2023 թվականին կունենա չեզոք ազդեցություն։
«2023-ի համար նախանշված բարձր տնտեսական աճի հիմքում ընկած է արտադրողականության և մրցունակության աճի ապահովման համար անհրաժեշտ առանցքային ներդրումների, այդ թվում՝ պետական ներդրումների մասնաբաժնի էական մեծացում և արտահանման աճի համար կայուն հիմքերի ձևավորումը, ուստի տնտեսական աճի ապահովումը զգալիորեն կապված կլինի կառավարության կողմից ենթակառուցվածքներում խոշոր պետական ներդրումների, սահմանված ժամկետներում և ծրագրավորված համամասնություններով իրականացումից, ինչպես նաև ծրագրով նախատեսված ներդրումների խրախուսման և արտահանման խթանման ուղղությամբ միջոցառումենրի ամբողջական կատարումից»,- ասաց ԿԲ նախագահը։
Մանրամասները՝ տեսանյութում։
