Հայաստանի արժույթի շուկայում դրամը ռուբլու նկատմամբ ամրապնդվել է։ Այս մասին են վկայում rate.am կայքի տվյալները։
Ըստ այդ տվյալների՝ հունիսի 10-ի առավոտից երկրի առևտրային բանկերն ԱՄՆ դոլարը գնում են 383,11 դրամ միջին գնով, նախորդ աշխատանքային օրվա համեմատ ԱՄՆ արժույթն ավելացել է 0,08 դրամով։ Ամերիկյան արժույթի վաճառքն իրականացվում է 388,89 դրամ միջին գնով, երեկվա համեմատ դոլարն ավելացել է 0,05 դրամով։
Եվրոյի միջին փոխարժեքն առքի ժամանակ 408.81 դրամ է, եվրոյին ավելացված գինը՝ 1.71 դրամ։ Եվրոպական արժույթը վաճառվում է 422.08 դրամ միջին գնով, ինչը 1.79 դրամով գերազանցում է նախորդ օրն առևտրային բանկերի առաջարկած գնին։
Ռուսական ռուբլու առքի միջին գինը նվազել է 0.02 դրամով և կազմել 4.54 դրամ։ Ռուսական արժույթի վաճառքն իրականացվում է 4.83 դրամ միջին գնով, հունիսի 9-ին առաջարկված գնի համեմատ նվազել է 0.03 դրամով։
Բրիտանական ֆունտի առքն իրականացվում է 471.38 դրամ միջին գնով, ֆունտը նախորդ օրվա համեմատ ավելացել է 3.11 դրամով։ Վաճառքի ժամանակ բրիտանական արժույթի միջին փոխարժեքը երեկվա համեմատ աճել է 3,05 դրամով՝ կազմելով 495,68 դրամ։
