Forbes հեղինակավոր ամսագրի կողմից «Ֆորա-Բանկը», որը մտնում է «Տաշիր» ընկերությունների խմբի մեջ, ներառվել է «100 հուսալի ռուսական բանկեր-2020» վարկանիշային աղյուսակում: Այսպիսով, ևս մեկ անգամ «Ֆորա-Բանկը» վերահաստատել է, որ Ռուսաստանի ամենահուսալի բանկերից է:
Հեղինակավոր պարբերականն ուսումնասիրել է ռուսական առաջատար բանկերի վարկանիշերն ու ֆինանսական ցուցանիշերը և այս ցուցիչներով ընտրել լավագույններին:
Բանկը զբաղեցրել է 98-րդ տեղը՝ ruB վարկանիշով և ընդհանուր ակտիվների 52 935 մլն ռուբլով:
Այսպիսով, բանկն արձանագրել է ակտիվների 2% աճ՝ նախորդ տարվա արդյունքների հետ համեմատած։
Նշենք, որ Forbes-ը ռուսական 100 հուսալի բանկերի վարկանիշային ցուցակը հրապարակում է 2017 թվականից:
«Ֆորա-Բանկ» բաժնետիրական առևտրային բանկը «Տաշիր» ընկերությունների խմբի մեջ է մտնում 2002 թվականից, իսկ Ռուսաստանի Դաշնության Կենտրոնական Բանկում գրանցված է 1992 թվականի մայիսի 27-ից և գործում է երկրի ամբողջ տարածքում:
