Ամանորյա տոներին կիլոգրամներ չհավաքելու մի քանի խորհրդով է կիսվել food.inmyroom-ը:
Բաց մի թողեք նախաճաշը
Տարածված տեսակետ կա, թե կարող ենք բաց թողնել նախաճաշը կամ ճաշը մեծ տոնի նախօրեին: Սա կտրականապես խորհուրդ չի տրվում անել, քանի որ այս դեպքում խախտվում է նյութափոխանակությունը:
Ձեզ հետ վերցրեք ձեր դիետիկ սնունդը
Մեզանից շատերը կարող են ամաչել ճշտել՝ մեր հարազատներն ու ընկերները դիետիկ ուտեստներ ճաշացանկում ունեն, թե ոչ: Դուք կարող եք ձեր աղանդերը և ուտեստները վերցնել ձեզ հետ, եթե պատրաստվում եք երկար մնալ հարազատների տանը:
Դանդաղ ծամեք
Դիետոլոգները անընդհատ տարբեր խորհուրդներ են տալիս ծամելու մասին։ Օրինակ, որ սնունդը ցանկալի է ծամել 33 անգամ, կամ որ ավելի արդյունավետ է՝ ծամել փակ աչքերով։ Սնունդը, այսպես ասած, մտածված ծամելը արագացնում է հագեցվածությունը՝ դրանով իսկ նվազեցնելով կերած կալորիաների քանակը։
Ընտրեք փոքր ափսեներ
Ուսումնասիրությունները ցույց են տալիս, որ մեր ուղեղը ափսեի վրա տարբեր ուտեստների չափաբաժինների միջև ազատ տարածության առկայությունը որպես սննդի անբավարար քանակի ցուցիչ է ընկալում:
Կենտրոնացեք սպիտակուցի վրա
Ձեր տոնական ափսեի վրա սպիտակուցի առատությունը կարող է օգնել ձեզ վերահսկել քաշը, քանի որ բարձր սպիտակուցային կերակուրները լավ հագեցնում են և չեն ծանրաբեռնում մեր մարմինը:
Մի մոռացեք մանրաթելը
Խնջույքը սկսեք թարմ և եփած մանրաթելերով հարուստ բանջարեղենից պատրաստված նախուտեստներով: Ենթադրվում է, որ ուտելով նման նախուտեստներ, ինչպես նաև հացահատիկներից և լոբազգիներից պատրաստված ուտեստներ՝ մենք կարող ենք ավելի արագ կշտանա:
Սեղանին ապուր մատուցեք
Ապուրը հիանալի դիետիկ ուտեստ է՝ հատկապես ձմեռային սեզոնին։
Մի բաժակ ջուր խմեք
Ուտելը մի փոքր նախապատրաստմամբ սկսեկ՝ մի բաժակ ջուր խմելով: Սա մի փոքր կթուլացնի սովի զգացումը: