Գարնանային դեպրեսիայի զոհ չդառնալու համար անհրաժեշտ է, որպեսզի ուրախացնեք և գովաբանեք ինքներդ ձեզ, ինչպես նաև ֆիզիկական ակտիվություն ցուցաբերեք։ Այս մասին Life-ի հետ զրույցում ասել է հոգեբանական գիտությունների թեկնածու, առողջապահության և սպորտի արդյունաբերության կառավարման ամբիոնի դոցենտ Տատյանա Բորիսովան:
Նրա խոսքով՝ դեպրեսիային բնորոշ են ցածր ինքնագնահատականը, կյանքի նկատմամբ հետաքրքրության կորուստը, ինչպես նաև մեղքի ոչ ադեկվատ զգացումը, հոռետեսությունը, ուշադրության կենտրոնացման խանգարումը, հոգնածությունը, քնի և ախորժակի խանգարումները:
«Դեպրեսիվ վիճակները, որպես կանոն, բնութագրվում են այսպես կոչված դեպրեսիվ եռյակով՝ տրամադրության անկմամբ, մտածողության արգելակմամբ և շարժունակության արգելակմամբ», — ասել է նա:
Տրամադրությունը բարձրացնելու համար փորձագետը խորհուրդ է տվել կենտրոնանալ «ներքին հենարանների» վրա, որոնք օգնում են չկորցնել ձեզ անգամ բարդ իրավիճակներում։ Դրանք կարող են լինել ինչպես բարձր հոգևոր արժեքներ, այնպես էլ փոքր ուրախություններ, օրինակ՝ քնելուց առաջ շոկոլադ ուտելը:
«Ցանկանում եք պառկել անկողնում ձեր սիրած գրքի հետ, ինքներդ ձեզ մի մերժեք: Գնացեք լողավազան կամ ջրաշխարհ, թույլ տվեք ինքներդ ձեզ հանգստացնող մերսում: Ամենակարևորը՝ ուրախացեք ձեզ», – նշել է մասնագետը։
Հոգեբանը նաև խորհուրդ է տվել ձեզ պարբերաբար գովաբանելու սովորություն ձեռք բերել: Օրինակ, դուք կարող եք զարթուցիչ տեղադրել հարմար ժամանակ և հաճելի խոսքեր ասել ցանկացած, նույնիսկ աննշան նվաճումների համար:
Բայց ֆիզիկական գործունեությունը թույլ կտա հաղթահարել շարժունակության արգելակումը: Եթե սպորտսրահում դասերի ժամանակ չկա, նույնիսկ անհրաժեշտ հարկ բարձրանալն առանց վերելակի կամ մի փոքր քայլելը դեպի տուն ՝ արագ քայլքով, կօգնի:
«Եթե առանց այդ էլ սպորտով եք զբաղվում, փոխեք ակտիվությունը, փորձեք ինչ-որ նոր բան։ Ֆիզիկական գործունեության տեսակը փոխելը հրաշքներ է գործում: Յոգայով զբաղվել ե՞ք։ Օրինակ՝ փորձեք սուսերամարտի դասեր. վստահեցնում եմ, որ մկանների վրա ծանրաբեռնվածությունն այնպիսին է լինելու, որ դեպրեսիայի ժամանակ չեք ունենք», — ասել է փորձագետը։
