Թուրինջի հյութը շատ օգտակար է, այն պարունակում է բազմաթիվ վիտամիններ և հանքանյութեր, բայց բժիշկներն ու գիտնականները զգուշացնում են, որ կան իրավիճակներ, երբ այս ըմպելիքը կարող է մարդասպանի վերածվել, գրում է doctorpiter.ru-ն։
Նշվում է, որ այս դառը պտուղը հարուստ է հակաօքսիդիչներով, որոնք օգտակար են օրգանիզմի համար։ Թուրինջը օգտակար է նաև սրտանոթային համակարգի աշխատանքի համար, ունի հակաբորբոքային ազդեցություն և բարելավում է մարսողությունը։ Ըստ գիտնականների՝ թուրինջն ի վիճակի է նվազեցնել շաքարի մակարդակը, պաշտպանում է սիրտը և նպաստում քաշի կորստին:
Թուրինջը, սակայն, ըստ բժիշկների և գիտնականների, վտանգավոր կարղ է լինել։
Այն հակաօքսիդանտները, որոնք այս միրգը շատ օգտակար են դարձնում, կարող են նաև սպանել մարդուն, գրել է Science Alert պարբերականը՝ վկայակոչելով գիտնականների հետազոտությունները։
Նշվում է, որ թուրինջի հյութը ֆուրանոկումարիններ է պարունակում, որոնք խանգարում են դեղերի նորմալ լուծմանը։ Եվ, ըստ այդմ, Ֆուրանոկումարինների ազդեցության տակ գտնվող դեղամիջոցների և թուրինջի հյութի միաժամանակ ընդունման արդյունքը կարող է բավականին դրամատիկ լինել: Հնարավոր է սրտի կանգ, մկանային հյուսվածքի ոչնչացում, շնչահեղձություն,
ստամոքս-աղիքային արյունահոսություն, երիկամային անբավարարություն։
