Skip to main content
Աջակցություն 05 Դեկտեմբեր 2019
Armenia Today
Առաջինը գլխավորի մասին
Լրահոս
Հարցում

Դուք աջակցո՞ւմ եք ՀՅԴ Երիտասարդական միության՝ Կրթության,գիտության, մշակույթի և սպորտի նախարար Արայիկ Հարությունյանի հրաժարականի մասին պահանջին

Այո, աջակցում եմ
2 (100%)
Ոչ, չեմ աջակցում
1 (0%)
28 Նոյ, 11:32
Հասարակություն

Որևէ տեղեկատվություն Ստամբուլի օդանավակայանում մնացած հայերի քանակի ու խնդրի վերաբերյալ չկա․ Քաղավիացիայի կոմիտե

AtlasGlobal ավիաընկերության հայաստանյան ներկայացուցչի խոսքով՝ ուղևորները նախապես տեղյակ են եղել, որ ավիաընկերությունը դադարեցնելու է թռիչքները

img

Դեռևս որևէ տեղեկատվություն Ստամբուլի օդանավակայանում մնացած հայերի քանակի ու խնդրի վերաբերյալ չկա։ Այս մասին Armenia Today տեղեկատվական-վերլուծական պորտալի թղթակցին հայտնեցին Քաղավիացիայի կոմիտեից։ Համաձայն տեղեկատվության՝ կոմիտեից կապվել են ավիաընկերության հայաստանյան ներկայացուցչի հետ և երեկվա դրությամբ ներկայացուցչի խոսքով բոլորը տեղեկացված են եղել չվերթների չեղարկամ մասին։ Ավիաընկերության ներկայացուցչի խոսքով՝ ովքեր այլ ճանապարհներով կվերադառնան Հայաստան կամ Հայաստանից հետ կմեկնեն Թուրքիա, համաձայն AtlasGlobal կայքում տեղադրված հայտարարության՝ կփոխհատուցվեն։

Նշենք, որ մամուլում շրջանառվող տեղեկատվության համաձայն՝ Երևան վերադարձող բազմաթիվ հայաստանցիներ մնացել են Ստամբուլի օդանավակայանում՝ թուրքական AtlasGlobal ավիաընկերության չվերթների դադարեցմամբ պայմանավորված։

AtlasGlobal–ը նոյեմբերի 26–ի հայտարարության մեջ նշել է, որ նոյեմբերի 26-ից դեկտեմբերի 21–ը չեղարկված թռիչքների տոմսերի գումարները հետ են վերադարձվելու, սակայն նոյեմբերի 27–ին հայաստանյան տուրգործակալներին չի հաջողվել կապ հաստատել AtlasGlobal–ի գրասենյակի հետ և պարզաբանումներ ստանալ, թե ինչպես են վաճառված տոմսերը հետ վերադարձնելու և ինչպես են արդեն Ստամբուլում գտնվող հայ ուղևորները վերադառնալու։

Նշենք, որ AtlasGlobal ավիաընկերությունը պատկանում է Թուրքիայի տուրիզմի և մշակույթի նախարարի եղբորը։ Ավիաընկերությունն ուղիղ չվերթներ էր իրականացնում նաև Ստամբուլ-Երևան-Ստամբուլ ուղղությամբ՝ շաբաթական 2 անգամ։

Թեգեր: AtlasGlobal, Հայաստան-Ստամբուլ Չվերթներ