Skip to main content
Աջակցություն 06 Դեկտեմբեր 2019
Armenia Today
Առաջինը գլխավորի մասին
Լրահոս
Հարցում

Դուք աջակցո՞ւմ եք ՀՅԴ Երիտասարդական միության՝ Կրթության,գիտության, մշակույթի և սպորտի նախարար Արայիկ Հարությունյանի հրաժարականի մասին պահանջին

Այո, աջակցում եմ
2 (100%)
Ոչ, չեմ աջակցում
1 (0%)
02 Դեկ, 14:14
Իրավունք

Երեխաների ապօրինի որդեգրման գործով մեղադրանք է առաջադրվել

Երևանի 43-ամյա բնակչուհուն մեղադրանք է առաջադրվել խնամքը ստանձնելու նպատակով երկու երեխաների առքի փորձ կատարելու համար

img

ՀՀ Քննչական կոմիտեում շարունակվում են քննչական գործողությունները՝ երեխաների ապօրինի որդեգրման դեպքերի հանգամանքները պարզելու ուղղությամբ։ Այս մասին հայտնում է Քննչական կոմիտեի մամուլի ծառայությունը:

Նախաքննության ընթացքում պարզվել է Երևանի 43-ամյա բնակչուհու ինքնությունը, ով 2018 – 2019թթ.ընթացքում ձեռք է բերել պայմանավորվածություն՝ մի դեպքում օտարերկրյա քաղաքացիների, մյուս դեպքում ՝ Հայաստանի քաղաքացիների (համապատասխանաբար 20 հազար եվրոյով և 5 հազար դոլարով) հետ նախաձեռնել Հայաստանի մանկատներում գտնվող երեխաների որդեգրում:

Կնոջը մեղադրանք է առաջադրվել ՀՀ քրեական օրենսգրքի 34-168-րդ հոդվածով (երեխայի թրաֆիքինգի փորձ-հանցակցություն): Հոդվածը նախատեսում է ազատազրկում երեքից յոթ տարի ժամկետով: Կնոջը կալանավորելու միջնորդություն է ներկայացվել դատարան։

Հիշեցնենք, որ նոյեմբերի 18-ին Քննչական կոմիտեն վարույթ էր ընդունել երեխաների ապօրինի որդեգրման փաստի առթիվ Ազգային անվտանգության ծառայությունում հարուցված քրեական գործը։ ԱԱԾ - ն բացահայտել է հանցավոր սխեմա. 2016-2019թթ. ընթացքում բժշկական կենտրոններից մեկի, ինչպես նաև որոշ պետական հաստատությունների աշխատակիցները համոզելու, ահաբեկելու և շանտաժի միջոցով ծննդկաններին դրդել են հրաժարվել երեխաներից և այլ անձանց կողմից որդեգրման համաձայնություն տալ:

Թեգեր: ՀՀ ՔԿ