Ես չեմ գտնում, որ իշխանափոխության հանրային պահանջ կա։ Այս մասին Armenia Today-ի հետ զրույցում նշել է ԱԺ «ՔՊ» խմբակցության պատգամավոր Հովիկ Աղազարյանը։
«Ես կարծում եմ, որ կան հայրենակիցներ, որոնք անկեղծորեն գտնում են, որ օրվա իշխանությունները չի արդարացնում իրենց սպասելիքները, բայց մյուս կողմից կան շատ քաղաքացիներ, որ դա անում են, որպեսզի վերադարձնեն նախկին իշխանություններին՝ պահպանելու տարիների անաշխատ կուտակածը։ Կան նաև մարդիկ, որ օրվա վարձավճարի դիմաց են հավաքվում։ «…» Այդ համախումբն իր գործողությունները պետք է այնպես իրականացնի, որպեսզի ուրիշների իրավունքները չոտնահարվի», – նշեց Աղազարյանը։
Ըստ պատգամավորի՝ ընդդիմության կողմից հնչեցված բազմամարդություն ասվածը հարաբերական է։ Հարցին, թե որքա՞ն մարդ պետք է դուրս գա փողոց, որ Փաշինյանը հրաժարական տա, Աղազարյանն ասաց, որ դա պետք է լինի այնպես, որ հասկացվի համաժողովրդական պահանաջը։ «Պետք է դա ակնհայտ լինի բոլորի համար, անգամ՝ Նիկոլ Փաշինյանի կողմնակիցների», – նշեց Աղազարյանը։
Նա նշեց, որ իշխանությունները չեն պատրաստվում գնալ արտահերթ ընտրությունների։ «Հնարավոր է 1 կամ 2 տարի հետո իրավիճակ ստեղծվի, որ այդ թեմային անդրադառնանք, բայց այսօր դրա անհրաժեշտությունը չկա»,-նշեց իշխանության ներկայացուցիչը։
Ըստ Աղազարյանի՝ «Դիմադրություն» շարժման առանցքային դերակատարը Ռոբերտ Քոչարյանն և այն, ըստ էության, դասակարգային շարժում է։
Մանրամասն՝ տեսանյութում։