Հայաստանի Անվտանգության խորհրդի քարտուղար Արմեն Գրիգորյանը մեկնաբանել է Երևանի՝ ՄԱԿ-ի Անվտանգության խորհուրդ դիմելու հնարավորությունը՝ կապված Ադրբեջանի հետ սահմանին տիրող ճգնաժամի հետ:
Հանրային հեռուստատեսությանը տված հարցազրույցում նա ասել է, որ հայկական կողմը ճգնաժամի կարգավորումը տեսնում է դիվանագիտական միջոցներով և կփորձի օգտագործել առկա բոլոր գործիքները:
«Իհարկե, մեր օրակարգում բոլոր հնարավորությունները մնում են բաց: Այս պահին մենք փորձում ենք լուծման գալ ՀԱՊԿ շրջանակներում և Ռուսաստանի հետ քննարկումների արդյունքում: Բայց եթե այդպիսի լուծում չլինի, մենք կփնտրենք խնդրի լուծման այլ ուղիներ»,- ասել է Գրիգորյանը:
