Խաչատուր Սուքիասյանը շատ փոքր է, որպեսզի Վազգեն Սարգսյանին քննադատի։ Այս մասին ասաց ԵԿՄ վարչության նախագահ Սասուն Միքայելյանը՝ Եռաբլուրում ծաղիկներ խոնարհելուց հետո։
«Մարդ պետք է հետահայաց գցի իր ճանապարհին՝ Արցախյան ազատամարտից մինչև այսօր նայի, թե ինչ է արել նորագույն պատումության կերտման մեջ, նոր Սարգսյանից խոսի։ Վազգեն Սարգսյանն այն մարդն էր, որը կարողացավ ազատագրել 8000 քառակուսի կիլոմետր տարածք»,- Armania Today-ի հարցին ի պատասխան ասաց ԵԿՄ ղեկավարը՝ հավելելով, որ 90-ականներին նույնպես այսպիսի իրավիճակ էր․ տարբեր ջոկատներ, կուսակցություններ, սակայն սպարապետը կարողացավ համախմբել բոլորին։
Միքայելյանը նշեց, որ այսօր մեր պետությունն այնքան հզոր չէ, որ կարողանանք զենքի միջոցով ինչ-որ բանի հասնել, դրա համար էլ մեզ հզորանալ է պետք։
«Մենք՝ երկրապահներս, հենց դա էլ անում ենք»,- ասաց նա։ Նա նշեց, որ խաղաղ զարգացման ժամանակաշրջան՝ չի նշանակում, որ մենք ամեն ինչի պետք է համաձայնենք։
Խոսելով գունագեղ տոնակատարության մասին՝ Սասուն Միքայելյանը նշեց, որ գունագեղ բառը թեև չի հասկանում, սակայն անկախության տոնը պե՛տք է նշվի, քանի որ տղաները զոհվել են անկախության համար։